ایک نوجوان کے نام

علامہ محمد اقبال · بالِ جبریل

پس منظر

«بالِ جبریل» (1935ء) کی یہ مختصر نظم ایک خوش حال مگر آرام طلب نوجوان سے خطاب ہے، جس کے گھر کے صوفے یورپ کے اور قالین ایران کے ہیں¹²³۔ شاعر اسے یاد دلاتا ہے کہ اصل عزت سامان میں نہیں، بلند حوصلے اور بے نیازی میں ہے۔ «تو شاہیں ہے، بسیرا کر پہاڑوں کی چٹانوں میں» اسی نظم کا آخری مصرع ہے۔

کلام

ترے صوفے ہیں افرنگی ترے قالیں ہیں ایرانیلہو مجھ کو رلاتی ہے جوانوں کی تن آسانی

امارت کیا شکوہ خسروی بھی ہو تو کیا حاصلنہ زور حیدری تجھ میں نہ استغنائے سلمانی

نہ ڈھونڈ اس چیز کو تہذیب حاضر کی تجلی میںکہ پایا میں نے استغنا میں معراج مسلمانی

عقابی روح جب بیدار ہوتی ہے جوانوں میںنظر آتی ہے اس کو اپنی منزل آسمانوں میں

نہ ہو نومید نومیدی زوال علم و عرفاں ہےامید مرد مومن ہے خدا کے راز دانوں میں

نہیں تیرا نشیمن قصر سلطانی کے گنبد پرتو شاہیں ہے بسیرا کر پہاڑوں کی چٹانوں میں

مشکل الفاظ

• افرنگی: یورپی، فرنگیوں کا
• تن آسانی: آرام طلبی، سستی
• امارت: دولت مندی، امیری
• شکوہِ خسروی: بادشاہوں جیسی شان
• زورِ حیدری: حضرت علیؓ (حیدر) جیسی طاقت
• استغنائے سلمانی: حضرت سلمان فارسیؓ جیسی بے نیازی
• تہذیبِ حاضر: موجودہ (مغربی) تہذیب
• تجلی: چمک دمک
• معراج: بلندی کا آخری درجہ
• عقابی روح: عقاب جیسا حوصلہ
• نومید: مایوس
• عرفاں: معرفت، پہچان
• راز دانوں: بھید جاننے والوں
• نشیمن: ٹھکانہ، گھونسلا
• قصرِ سلطانی: شاہی محل
• بسیرا: رات گزارنے کی جگہ، ٹھکانا